మాటుంగా లో ఒక మద్యాహ్నం

             వడా పావ్ లు విచ్చలవిడిగా తిని విసుగుచెందిన ఈ జీవితానికి వెరైటీ గా మన ఆంధ్రా ఫుడ్ కోసం గాలిస్తున్న రోజులవి , మా ట్రైన్ మేట్ ని అడిగి ఒకరోజు కలసి బయల్దేరాం మాటుంగా..

              ఇలా మా హార్రిబుల్ లైన్ అయిన హార్బర్ లైన్ నుండి సెంట్రల్ లైన్ లోనికి మారడానికి కుర్ల అనే ప్లేస్ కి వచ్చాక , కుర్ల స్టేషన్ క్రౌడ్ గూర్చి చెప్పాలంటే పూర్వం ఇక్కడ క్రూర మృగాలు నివసించేవి అనుకుంటా మనం ట్రైన్ మధ్యలోనే వుంటాం కుర్ల స్టేషన్ రాగానే with in seconds లో ప్లాట్ ఫారం బయటకు నెట్టేస్తారు జనాలు b,c సెంటర్ సినిమాల్లో 1st day టికెట్స్ కొనడం ఆ ప్రాయం అని నా అభిప్రాయం


             మాటుంగా స్టేషన్ కి వెళ్ళేసరికి 1.30 అయ్యింది, స్టేషన్ దగ్గర నుండి తెలుగు అక్షరాలు కనిపించేసరికి చాలా ఆనందం వేసింది తీరా దగ్గరికి వెళ్ళాక తెల్సింది అది కన్నడ అని ..సరే ఎప్పుడో చిన్నప్పుడు చూసాను కన్నడ బాషని కన్నడ బాషలో నాకు తెలిసిన ఒకే ఒక్క పదం ಬ್ರೂನ್ ಲೇಬಲ್ , లైట్ అని అలా లోపలి వెళ్ళేసరికి అదేంటి ఇప్పుడు కుర్ల స్టేషన్ కి నడిచి ఎలా వెళ్ళాం ఇంత తొందరగా అని అనుమానం కలిగింది



              అసలే ఆదివారం అక్కడ క్రౌడ్ చూస్తుంటే మేము మా టోకెన్ తీసుకోగానే 1.30 hr తర్వాత రండి అని చెప్పాడు సరే 90 min అంటే ఏమైనా ఇంగ్లీష్ మూవీ చూసి వచ్చేయొచ్చు కదా అని బయటకు వెళ్తే అప్పుడు నిజం తెల్సింది మాటుంగా అనేది ముంబై లో   తమిళ సామ్రాజ్యం అంతా కలసి ఒక ఏరియా ని కబ్జా చేసి దాంట్లో వుంటున్నారనిపించింది ఎక్కడ చూసినా తమిళ్ సంతక రేకులే ( సైన్ బోర్డ్స్ ), సరే సౌత్ సినిమాలు ఆడే ఒక ధియేటర్ కూడా ఉండడం తో (అరోరా సినిమా ) సరే అక్కడిదాకా వెళ్దాం అని అనుకున్నాం ..ఇంతలో బుక్ షాప్స్ కనిపించాయి సరే దొరికింది కదా అని ఒక బుక్ అడిగా వాడిని 150 అన్నాడు మంచిగా కవర్ లో ప్యాక్ చేసాడు ప్రింట్ కూడా సూపర్ బంపర్ 50 డేస్ లాగా వుంది ..సరే ఎంత ఇస్తావ్ అన్నాడు వెంటనే తడుముకోకుండా 50 అన్నా నేను , సరే తీసుకో అని ఇచ్చేసాడు ..ఢిల్లీ నేర్పిన పాఠాలు ఇప్పుడు పనికొచ్చాయి అని సంతోషంగా తీసుకున్నా


                అలా 20 min నడిచాక మాకు ఘుమ ఘుమలాడే మైసూర్ టీ పౌడర్ వాసన , వాసన అంటే గుర్తొచ్చేది నాకు టీవీ రూం లో సోనీ మాక్స్ లో కనిపించే అతుల్ వాసన్ గాడు వాడిని టీవీ లో చూడగానే అందరూ తుల వాసన తుల వాసన అని వెంటనే అరిచేసే వాళ్ళం అలా ఆ కాఫీ ఫ్లేవర్ ని ఫ్రీగా five min ఎంజాయ్ చేసి ముందుకు సాగాం


                  మరో 10 నిముషాలు నడిచాక అరోరా ధియేటర్ కనిపించింది అక్కడ విచ్చలవిడి విరాట్ విశాల్ శ్రియ ఆడుతున్న సినిమా పేరు తమిళ్ లో రాసి వుంది పిస్తా అని తర్వాత తెల్సింది ఇంకా farhan akthar తెలుగు డాన్ ఆడుతున్నాయి నాకు సినిమా తెలుగులో చూడటం ఇష్టం లేదు అది రీమేక్ అయ్యేసరికి సరే అనుష్క కోసం వెళ్దామా అని అలోచిన్చేస్తుండగా బ్లాక్ 100- 80, 100 rupees 80 సర్,కార్తిక్ పక్కన సీట్ సర్ అని తెలుగు లో అరుపులు వినిపిస్తున్నాయ్ ఎవడ్రా ఈ పిచ్చ ... అనుకునేసరికి నా పేరు ఎవరో పిలిచిన ఫీలింగ్ చూస్తే block లో టికెట్స్ అమ్ముతున్న కార్తిక్ గాడు

నేను :మామా , నువ్వేంటి ఇక్కడ
కార్తిక్ :ఏం చేస్తాం recession
నేను :అలాగా ,100 టికెట్ 80 కి ఎందుకు అమ్ముతున్నావ్
కార్తిక్ :recession అని జనాలు కుడా రావడం లేదు
నేను :మరి థియేటర్ వాళ్ళకి తెలియదా ఆ విషయం
కార్తిక్ :ఈ థియేటర్ కి నేనే సుమన్ ని
నేను :????

అక్కడనుండి అలా జంప్ అయ్యి తినడానికి వెళ్ళాం

అక్కడ నా లోని నిద్రపోతున్న టెస్ట్ బ్యాట్స్ మన్ నిద్రలేచి ఆంద్ర భవన్ లో బర్త్డే పార్టీ లకి బెంబే లేత్తించిన బెస్ట్ బ్యాట్స్ మన్ ను గుర్తుకు తెప్పించిన రోజులు గుర్తుకు తెచ్చుకొని ఇండియా పైన అతి దారుణంగా 5 రోజులు డిక్లేర్ చెయ్యకుండా ఆడిన శ్రీలంక వాళ్ళలాగా మారథాన్ ఇన్నింగ్స్ ఆడేసా.. బెల్ట్ కనిపెట్టిన వాడిని మనసారా తిట్టి ముగించా నా మధ్యాహ్న భోజన పధకం