Pages

Monday, May 25, 2009

చర్య-దినచర్య









పొద్దున మనము లేవాలి - పళ్ళను బాగా తోమాలి
చక్కగా స్నానం చెయ్యాలి - ఉతికిన బట్టలు కట్టాలి
తలను నున్నగా దువ్వాలి - మోమున తిలకం దిద్దాలి
దేవుని పూజను చేయాలి - గ్లాసెడు పాలు తాగాలి
అమ్మకు నాన్నకు ఇద్దరికీ - కాళ్ళకు దన్నం పెట్టాలి
బడిలో చక్కగా చదవాలి - కలిసి మెలసి ఉండాలి
అందరు భేషని పొగడాలి





దీనికి రీమిక్స్ ఇలా జరిగింది నా జీవితం లో



పొద్దున్న పన్నెండింటికి లేవాలి ..(ముందు లేచిన వాడిని తర్వాత రోజు నిద్ర పోనివ్వకూడదు) -పళ్ళను తోమాలంటే మధ్యాహ్నం రావాలి
చక్కగ స్నానం చెయ్యాలి (అంటే ఆరోజు కాలేజీ వుండాలి) - బట్టలు ఉతికే హాస్టల్ వాషింగ్ మెషిన్ తో ప్రయోగాలు చెయ్యాలి
ప్రతి వారం తలను దువ్వే మంచి దువ్వెనలు కొనడానికి సరోజినీనగర్ వెళ్ళాలి-తిలకానికి హోలీ నాడు మోమున రంగుల్లో ముంచాలి(వేరే వాళ్ళవి)
శ్రీ రామనవమి రావాలి-రామకృష్ణా పురం వెళ్ళాలి అక్కడ పూజ చెయ్యాలి(ప్రసాదము అద్బుతం అక్కడ) - మెస్ లో వున్న రెండు గ్లాసుల టీ తాగాలి..( టి.వి రూంలో)
అమ్మ కు నాన్నకు వారానికి 2 సార్లు ఫోన్ చెయ్యాలి - ఇంటికి వస్తా అని చెప్పాలి

చకచకా క్లాసు కి వెళ్ళాలి (8 కి క్లాసు అంటే 7.50 కి లేస్తే అలానే వెళ్ళాలి..) - గురువు ని అటెండెన్స్ అడగాలి
కాంపస్ లో ప్రతిరోజూ అమ్మాయలని చూడాలి- సాయంత్రం అంతా కలసి మెలిసి డిస్కస్ చేయాలి
బర్త్ డే కి బూట్లు వెయ్యాలి - కుక్కని కొట్టినట్టు అజయ్ కాంత్ ని కొట్టాలి
అందరు కేకని పొగడాలి

Thursday, May 21, 2009

జన్మదిన బ్లాగుడు ..

   ఈరోజు నా బర్త్ డే..బర్త్ డే అంటే నాకు గుర్తొచ్చేది.. మా కాంపస్(ఎప్పుడూ కాంపస్ కాంపస్ అని చంపేస్తునాడు అని అనుకోవద్దు,కాంపస్ లేకపోతే ఇన్ని మంచి అనుభూతులు మాకు ఎవరికీ మిగేలేవి కాదు ).. ఎందుకంటే బర్త్ డే ని  మరపురాని దినంగా చేసే మంచి  ఫ్రెండ్స్ దొరుకుతారు..ఇంకా 11.50 కే మొదలుపెడతారు కొట్టుడు   నిర్దాక్ష్యమైన నొప్పులు తట్టుకొని తేరుకొనే  లోపే  మలి విడత మొదలవుతోంది..అలా శారీరక హింస జరిగినాక ..మానసికంగా జరిగే హింస కోసం కేక్  పైన అమ్మాయల  పేర్లు రాసి అలా చంపేస్తారు..తర్వాత రౌండ్ మొదటి పీస్ ఎవడికి పెడతాడో వాడికి రౌండ్ స్టార్ట్ అవుతుంది ..చాలా prepared గా రాకపోతే పగను తట్టుకొనేలోపే మనది పగలకొడతారు..  మేజిక్ candles ఆరవు (భలే కృష్ణ సినిమా హిట్ కాకపోవడం ఎంత నిజమో ఇది కూడా అంతే నిజం) వాటిని ఆర్పే వరకు వాళ్ళు ఆపరు ..ఇటువంటి క్లిష్ట పరిస్థితుల్లో కొంతమంది కక్కుర్తి వెధవలు దెబ్బలు తప్పించుకొనే తొందర్లో లాలాజలాన్ని కేకు మీద వేస్తారు(కరెక్ట్  గానే గెస్ చేసారు మా కార్తీక్ బర్త్ డే అలానే జరిగింది).. కార్యక్రమం జయప్రదం చేసినాక nescafe లో అన్ని రకాల పదార్ధములను ఆరగించి as ctc..take home అనే ఆఫర్ పెట్టి బాగా మరుసటి 2 రోజులకు స్టాక్ వుండేది మిగతా వాళ్ళ  రూం లో..నా బర్త్ డే కి అంతా ప్రాజెక్ట్ presentations హడావుడిలో రాలేకపోయినా అంతా మెసేజెస్ పంపారు..ప్రాజెక్ట్ రిజల్ట్స్ రాకపోతే పడే టెన్షన్ వర్ణనాతీతం(మానసికంగా గైడ్ పెట్టే క్షోభ కంటే బర్త్ డే బంప్స్ 10 రెట్లు బెటర్  .. )

                         జీవితం లో గత సంవత్సరం మొదటిసారి కేక్ కట్ చేసినప్పుడు అనుభూతి ని నేను ఇంకా మర్చిపోలేదు .. సందర్భం గా కి నా మొదటి  బర్త్ డే(నాకు తెలిసి ) జరిపించడానికి  కారణమైన  మా ఫ్రెండ్ రవి కి నేను కృతజ్నుడని.. అలాగే నా  ఇంటర్మీడియట్  లో  ఫస్ట్  కార్డ్ ఇచ్చిన  ఆదిత్య కి  నా  sincere థాంక్స్ ..

Monday, May 18, 2009

కాట్రాజ్

ఒక రాత్రి ..అది కుడా నిన్ననే...కాల్ వచ్చింది కుమార్ నుండి..అలా మాట్లాడుతుండగానే ..మా కాంపౌండ్ వాల్ అవతల ఒక పెద్ద పాము తిరుగుతూ వుండడం గమనించాను..పాముని చూడగానే నాకు తెగ నవ్వు వచ్చింది..ఎందుకంటే దాని రంగు బ్రౌన్ మరి..సీన్ కట్ చేస్తే అవి నా ఇంజనీరింగ్ చదువుతున్న రోజులు..ఫైనల్ ఇయర్ లో మా అదృష్టం బాగుండి హాస్టల్ ని శాశ్వతం గా మూసేసినాక మేము కుడా అన్నీ మూసుకొని బయట రూం తీసుకొని వున్నాం ..నా రూం లో ఒక 2 నెలలు ఉన్న తర్వాత నాకు తెలిసింది మా పెరడులో పశు పక్షాదులు (బాలకృష్ణ ,హోమన్ బాబు అనుకుంటున్నారా..విజయవాడ లో వాళ్ళు లేరు)ఒక మాదిరిగానే వున్నాయి అని .. మా రూం దగ్గర ఒకరోజు పాము కన్పించింది బ్రాండెడ్ బ్రౌన్ కలర్ లో వుంది ..మా ఇంటి ఓనరు ప్రతి రోజూ సాయంత్రం మాకు చాలా కధలు చెప్పేవాడు తనయొక్క శక్తీ ముక్తి రక్తి ..మాకేప్పుడు విముక్తి అనుకుంటూ మేము కూడా వినేవాళ్ళం వాడి సుత్తి ..ఇలానే ఒకరోజు తన హిస్టరీ లో ఎన్ని జంతువలను చంపాడో కూడా అందులో ఎన్ని పాములు,తేళ్ళు, విష కీటకాలు (మన పెరడు లో వుండే ప్రాణుల సంఖ్య 739 అందులో poisnous 376, non poisnous 363 etc.. అని మాకు ఠాగూర్ సినిమా statistics చెప్పేవాడు )..మేము కూడా అమ్మ నాన్న ఒక తమిళ అమ్మాయి సినిమా లో ఏమిరా బాలరాజు..డైలాగ్ వెంటనే గుర్తువచ్చి వాడి ముందే నవ్వే వాళ్ళం వాడికి వెంటనే ఎక్కడో కాలి మీకు ఒక రోజు నా యొక్క టాలెంట్ ని చూపిస్తా అని ఒక లుక్కేసి వాళ్ళ ఇంట్లోకి వెళ్ళిపోయేవాడు ...

రోజు నాకు పామును చూడగానే ముందు భయం వేసింది తర్వాత ..తర్వాత దాన్ని చూసి కొంచెం జాలి వేసింది, మా ఓనరు చేతిలో కుక్క చావు కొనితెచ్చుకోవడానికే ఇక్కడికి వచ్చింది అని.. మా ఓనరు వున్నాడు అనే దొంగ ధైర్యం తో ..వాళ్ళ ఇంటిలోకి వెళ్లి మా ఓనరు తో అంకుల్.. అంకుల్.. మన పెరడులోకి పాము వచ్చింది అని అరిచేసరికి ఏంటి పామా..నరికేస్తా(నేను మొదటి సారి విన్నా..పాముని ఎవడైనా నరుకుతాడా.. అంకుల్ ఆది సినిమా hangover నుండి బయటకు రాలేదు అనుకుంటా) నేను ఇప్పుడే వస్తున్నా డ్రెస్ మార్చుకొని అని చెప్పి అరగంట వరకు ఆయన బయటకు రాకపోయేసరికి ఓనరు హ్యాండ్ అంటే ఇలా వుంటుందా అని కళ్ళు తెరుచుకొనే లోపే అజయ్ కాంత్ గాడు ఏంటి పాము వచ్చిందా అని ఒక పెద్ద కర్రతో గ్లాడియేటర్ లో రుస్సెల్ క్రో లాగా కాకపోయినా అన్న సినిమా లో రాజశేఖర్ లా వచ్చేసరికి వీడి హడావుడి ని తట్టుకోలేక అది కొంచెం షార్ప్ అనుకుంటా (మా వాడి దరిద్రమో మరి 30 నిమిషాల దాక అక్కడే వుండి వీడు రాగానే ప్రక్కనే ఉన్న కొబ్బరి చిప్పల్లోకి జంప్ ) ..అరే నీ జి..దాన్ని నువ్వే ఎలాగోలా తరిమేయ్ అని చెప్పగానే మా వాడు చాలా ఆవేశంగా తన పౌరుషాన్ని బ్రహ్మనాయుడి రేంజ్ లో అర్ర(అన్న సినిమా లో కర్ర) ను తీసుకొని చిప్పలు లోకి పెట్టి గట్టిగా భూమిలోకి దించాడు.అంతే కాసేపట్లో ఎంత లాగుతున్నా కర్ర రావడం లేదు(క్షమించాలి అర్ర )..మేముడిసైడ్ అయిపోయాం మా అజయ్ కాంత్ కర్ర తో కొట్టేసి దాన్ని కడిగేసాడు అని వెంటనే నేను గట్టిగా పాము ని చంపేసాడు..పాము కి ఫూ పేక చేసిన అజయ్ కాంత్ అని ఈనాడు లో కృష్ణా డిస్ట్రిక్ట్ మెయిన్ పేజి లో వస్తుంది నీ ఫోటో పక్కనే మేము కూడా అని చాలా పొగిడేసరికి వాడు మాత్రం దున్నేవాడిదే భూమి చంపేవాడికే పేపర్ లో ఫోటో.. వాళ్ళు మీ ఫోటో తీస్తామన్నా నేను ఒప్పుకోను అని చెప్పేసరికి మధ్యలో బిగ్గరమైన స్వరం (గేదె గొంతు)తో ఏమైంది .. ఏమైంది.. అని మా దగ్గరకు అదే డ్రెస్ తో వచ్చాడు అంకుల్(భయానికే భయ్యా అని అప్పుడు తెలిసింది)

అప్పుడు నేను చెబుతుండగా అజయ్ కాంత్ నువ్వు ఉండు అని అన్నట్టు నావైపు ఒక చూపు చూసి ..పాములను పట్టడం ఒక కల( ఇంగ్లీష్ లో ఆర్ట్) అంకుల్..ఇప్పుడు మీ పరిసరాలను రక్షించింది నేనే అని సగర్వంగా చెప్పి ..పాముని తొందరగా తియ్యు దానిని వేరే చోట పడేయాలి అని అంకుల్ అనగానే కర్ర తీసాడు కార్తీక్ ..అప్పుడు మాకు (ముఖ్యంగా కార్తీక్ కు) పెద్ద షాక్..వాడు చంపినది పాముని కాదు అని దాని కడుపు లో ఉన్న కప్పనని చాలా లేట్ గా తెలిసింది..ఇంకా పాము చావలేదు అని లైట్ వెలిగిన అంకుల్ వెంటనే పాము కంటే ఫాస్ట్ గా ఇంట్లోకి జంప్ ..మేము కూడా లైట్ తీసుకొని పేపర్ ఫోటో ఏదేదో ఊహించుకొని కష్టపడ్డ అజయ్ కాంత్ చివరకు ఒకటి తెలుసుకున్నాడు


పాముని చంపడం అనేది ఒక కల (ఇంగ్లీష్ లో డ్రీం)..