Sadda haq

అనగనగా ఆకివీడు సామ్రాజ్యానికి విజయ బాపినీడు చక్రవర్తిగా తన బంగారు కిరీటం చుట్టూ చిన్న చిన్న నిప్పు రవ్వ లైట్లు వేసుకొని ఒక వెలుగు వెలుగుతున్న రోజుల్లో...

ఒక రోజు ఏమయ్యిందంటే 

రాజు కి బ్లాగులు అంటే ఏమిటో తెలియక పోవడం వల్ల శత్రువులు లేక,టైం పాస్ కాక విలాసాలకు అలవాటుపడి నాసా లో అంతరిక్ష కధలంటూ నస తో పక్క రాజ్యానికి అతిధి లా వెళ్ళి వాళ్ళకు పట్టపగలే  కుక్కలా అరిచేసి చుక్కలు చూపించేవాడు.

తమ మిత్ర రాజ్యాల్లో ఉన్న మరో రాజు నామధేయం కోడి రాజు .. ఒకానొక ఖర్మ కాలే ఆకలేసిన సమయం లో మన బాపినీడు పాలిట బంపర్ఆఫర్ లా ఓ మారు కోడి రాజు యొక్క ఆతిధ్యం స్వీకరించవలసి వచ్చింది.

కోడి కి పెట్టే తిండి తప్ప వేరే తినని రాజ్యం లో నూకల అంబలి, తౌడు ముద్దల గారెలు తో ఆరోజు రాత్రి భోజనం చేసి ప్రొద్దున్న లేచిన బాపినీడు తనకి బాగా అలవాటైన కోడి తిండి ప్రావీణ్యత ను విచ్చలవిడిగా చూపించాక..

మరుసటి రోజు ప్రొద్దున్న రాత్రి తిన్నది పందెం కోడి తిండి కదా అని అనుమానం వచ్చి వెంటనే తన రాజ్యానికి పయనమయ్యాడు.

వెళ్లేముందు కోడి రాజు ఒక టిఫిన్ బాక్స్ లాంటి దీర్ఘచతురస్రాకార డబ్బాని గిఫ్ట్ పేక్ లో బాపినీడుకిచ్చి సాగనంపాడు.  

చక్రవర్తుల వారు తమ రాజ్యం లో ఆ  డబ్బా తెరిస్తే
 శ్రీ లక్ష్మీ గణపతీ ఫిల్మ్స్ పాతాళం లో మాదాకాలం సినిమా పార్ట్ 1,2,3...27 తమ ప్రత్యేక టీ వీ రూమ్ లో చూసి  రచ్చ రచ్చ గా రక్కేసుకున్నాక!

కొన్నాళ్ళకు తమ ఆస్థాన వైద్యుని కి కబురందించారు..రోజూ జిమ్ కెళ్ళి బొబ్బిలి సింహం లా ఉండే రాజు జబ్బు లేక ఇటు కదలలేక నిద్ర ఎక్కువైపోవడంతో  బొజ్జ పెరిగిన బొబ్బట్టు లా తయారయ్యాడు.

   

బ్లాగులు రాసుకొనే వాడి దగ్గర కామెంట్లు అరువడిగినట్టు ఆ  ఆస్థాన వైద్యుడు ఆ  సినిమా DVD లను రాజును అభ్యర్ధించి తనకివ్వమన్నాడు.

DVD లు భద్రపరుచుకొని వైద్యుడు తన వనమూలికల వైద్యాన్ని తయారుచేసి రాజుకి అందించాక

రాజు వైద్యముందనే ధైర్యం తో పరిచారికలందరినీ తన ఆస్థాన సభలో తన చుట్టూ వృత్తాకారం లో నిల్చోబెట్టి.. 

మన చక్ర వర్తి ఒక చేత్తో మైక్ పట్టుకొని,మరో చేత్తో కొబ్బరి కొమ్మ పైన అతికించిన చీపురు పుల్లలతో చేసిన గూట్లే గిటార్ ని వాయిస్తూ
నృత్య ప్రదర్శన ఇలా మొదలెట్టాడు..

ఇంతలో ఆస్థాన జాకీ మ్యూజిక్ ఆన్ చేసాడు
 

O Eco friendly
Nature ke rakshak
Main bhi hoon nature
Rewazon se..Samajon se..Kyun…….oye..

Sadda హక్ అయితే రక్
Sadda హక్ అయితే రక్

అని వాళ్ళంతా కోరస్ పాడుతుంటే మన  చక్రవర్తి, బాపిన్ మండేలా లా ఒక తేజస్సు తో చుట్టూ  ఉన్న అందర్నీ రక్కేయడం మొదలెట్టాడు..

డాన్స్ అయిపోయాక రక్కించుకున్న అందరికీ ఒక రాగి నాణెం తో పాటు రక్కోమాస్ repellent క్రీమ్ రెండొందల గ్రాముల ట్యూబు లు ఇచ్చేసి రాజు అందరినీ ఇంటికి పంపించేస్తుండగా..

ఆస్థాన జాకీ రాజు దగ్గర కమీషన్ కొట్టేద్దామని.. What a performance! అహో ఓహో అని చెప్పి రాజుని స్టేజ్ మీద కు తీసుకెళ్ళి ఘాట్టిగా తనతో మళ్ళీ పాడమని మొహమాట పెడితే...

రాజు: Sadda హక్ అయితే రక్
పరిచారికలందరూ: చేతిలో పెట్టిన రాగి నాణాన్ని చూస్తూ  బుధవారం గురువారం శుక్రవారం (WTF)   అని మూకుమ్మడిగా అరవడం తో సభ ముగిసింది.