జిందగీ నా మిలేగీ దుబారా..

 July 14,2011

గురువారం రాత్రి

సమయం 12.45AM:

ఈ ఒక్కరోజే మేలుకుంటే ఏమైపోయింది..వారం రోజులకి సరిపడా వారాంతం లో నిద్రపోవచ్చుఅనుకుంటూ ఏదో ఆఫీసు లో పని చేసుకుంటూ ఉండిపోయా.తెల్లారిపోయింది.

శుక్రవారం సాయంత్రం 

సమయం 4.15 PM:

అసలే నిద్రలేక అలమటిస్తూ ఈ వారాంతం లో పూర్తిగా నిద్రపోదామనుకున్న నాకు message వచ్చింది
coming to mumbai tomorrow అని.నా M.Tech బెస్ట్ ఫ్రెండ్ దగ్గర్నుంచి.

శనివారం ఉదయం

సమయం 05.00 AM
రిసీవ్  చేసుకోవడానికి విమానాశ్రయం లో వేచి చూస్తున్నా..

వెనుక నుండి #%#%#^&#^ అని తెలుగు లో  సౌండ్ వచ్చింది..తిరిగి చూసే సరికి వాడే మా వాడు.. మూడేళ్ళ క్రితం కన్వోకేషన్ లో చివరి సారిగా  కలిసిన వాడిని ఇన్నేళ్ళ తర్వాత  కలవడం exciting గా అనిపించింది...

అటునుండి అటే మా రూమ్ కి వెళ్ళి  ఫ్రెష్ అయ్యాక వెంటనే జిందగీ నా మిలేగీ దుబారా కి జంప్ ...(మార్నింగ్ ఎనిమిదింటికి  ఏం  సినిమా అనుకుంటున్నారేమో..అదే లెండి మార్నింగ్ షో..ఫ్లో లో అలా కానిచ్చాం. అయిన మార్నింగ్ షో ఏంటి బొత్తిగా taste లేదు అనుకుంటున్నారేమో ..మరి evening మళ్ళీ ఫ్లైట్ కి వాడు వెల్లిపోవాలంటే,అసలే మొదటి సారి ముంబై కి వచ్చిన జీవి  మరిన్ డ్రైవ్ ,గేట్ వే కి గట్రా వెళ్ళాలంటే అని అలా ఫిక్స్ అయ్యాం..ఆ మాత్రం ప్లానింగ్ మాకూ ఉంది లెండి)

ఈ సినిమా ఎలా ఉంది అంటే .....

సినిమా టైటిల్ చూసి Farhan Akhtar ,Hritik ,Katrina ,Abhay Deol వీళ్ళంతా ఉన్నారు సినిమాకి తిరుగులేదు అనుకోని వెళ్ళే... వాళ్ళ పాలిట జోయా అక్తర్, పాకిస్తాన్ కి షోయబ్ అక్తర్ లా ఎలా  తయారయ్యాడో ఇంచుమించు అలానే తయారయింది.   

సినిమా అంతా చిన్న చిన్న సంబాషణలతో, ప్రతి పది నిముషాలకు జావేద్ అక్తర్ చదివే చిన్న చిన్న పద్యాలతో ఆర్ట్ ఫిలిం కి entertainment సినిమాకి మధ్యలో ఊగిసలాడుతూ ఉంది.

Dil Chahta Hai లో అమీర్ ఖాన్ కారెక్టర్  కి ఉన్నంత importance ఉన్న హ్రితిక్ ని డాన్ సినిమాలో నాగార్జున ని లారెన్స్ సెకండ్ హీరో ని చేసేసినట్టు తొక్కేసి సినిమాలో చాలా వరకు ఫర్హాన్ అక్తర్ నే కనిపిస్తాడు.

హ్రితిక్ కే సినిమాలో చోటు లేదు ఇంక అభయ్ డియోల్,కల్కీ కొచ్చిన్  సూరత్ కల్ వీళ్ళిద్దరినీ ప్రమోషన్స్ కోసం  దిష్టి బొమ్మల్లా పెట్టినట్టుగా  పెట్టారు.

సినిమా ని ఎలా పంచుకున్నారంటే 

ఆరు పాటలు అరగంట 
ఫర్హాన్ పద్యాలు 45 నిముషాలు

హ్రితిక్ కత్రినా ఇద్దరూ  మరో ముప్పై నిమిషాలు

డిస్కవరీ AXN చానెళ్ళు లో పాపులర్  సీన్స్ అరగంట

ఇంటర్వల్ పదినిముషాలు

పాటలు పిక్చరైజేషన్  చాలా బావున్నాయి
సినిమాటోగ్రఫీ extraordinary అనిపించింది
Finally ఫీల్ గుడ్ మూవీ

దిల్ చాహతా హై సినిమా లో గోవా ట్రిప్ అంతా చాలా బావుంటుంది కదా..

రివ్యూ ని రెండుముక్కల్లో చెప్పాలంటే DCH in Spain,A pretty film with no soul leaves you in pain.

అదీ  సినిమా .  

టైటిల్ కి జస్టిఫికేషన్:
వీకెండ్ పొద్దున్న  మన డబ్బులును అంతకంటే  బంగారం లాంటి నిద్ర మానుకొని  దుబారా చేసుకోవాలనుకోడానికి అంత సీన్ లేకపోయినా ఏదో నేట్టుకోచ్చేసినట్టు అనిపిస్తోంది అనగా ఈ లైన్స్ మరో సారి గుర్తుకొచ్చాయి

Dilon mein tum apni
Betaabiyan leke chal rahe ho
Toh zinda ho tum.........

Nazar mein khwabon ki
Bijliyan leke chal rahe ho
Toh zinda ho tum........

 These lines are Awesome in the End!  :)

ఆ  తర్వాత మా వాడు ఇంటర్వ్యూ అటెండ్ అయ్యాక గంటలో వెనుకకి వచ్చేసాం

అక్కడనుండి అలా గేట్ వే దగ్గర get together లాంటిది ఏర్పాటు చేసుకొని తనివితీరా తిరిగి తిరిగి వర్షం లో గిర గిరా తిరుగుతూ బోలెడన్ని కబుర్లు చెప్పేసుకున్నాక కార్పోరేట్ లైఫ్ లో పడి జీవితాన్ని ఎంత మిస్ అవుతున్నామో అదీ జిందగీ నా మిలేగీ దుబారా అని అప్పుడు అనిపించింది.

 ఏమైంది దిగాలుగా ఉన్నావ్ అని ఫ్రెండ్ రోజంతా అడిగింగ్స్ అదేం లేదు అని చెబుతూనే ఉన్నాను

తను రిటర్న్ ఫ్లైట్ కేచ్ చేసాక నేను రూమ్ కి వచ్చి లాపీ లో ఒక వంద వరకు  ఫొటోస్  చూస్తే  మన మొహం లో స్మైలీ లేదు ఒక్క ఫోటో లో కూడా ..అప్పుడే  నేను బోంబే కి మొదట్లో వచ్చిన ఫొటోస్ ని పక్కన పెట్టి చూస్తే అంతా మాయ.. మనసారా నవ్వడం మర్చిపోయి మూడేళ్ళు పైనే అయ్యింది .

 పైరేట్స్ ఆఫ్ ది కరీబియన్ ని పైరేటెడ్ గా చూసే రేంజ్ లో కల్మషంగా నా  మనసు బ్రష్టు పట్టిపోయిందా  అని పట్టిన బూజు దులిపేసుకొని

ఫేస్ బుక్ ఓపెన్ చేసి ,ఫొటోస్ అప్లోడ్ చేసి ప్రొఫైల్ లో languages known దగ్గర English,Hindi.Telugu,Marathi లతో పాటు Sarcasm(Fluent) అని update చేసాక మనసు తేలిక అయింది .

అప్పటి వరకు మనసు తేలిక అయితే అయ్యింది కానీ వాడు వెళ్ళాక ఎన్నెనో ఆలోచనలు ..ఎలా గడిపాం ఆ ఒక్క రోజు ..అస్సలు టైం ఏం తెలియనట్టుగా అయిపోయింది


వాడితో ఉన్నంత సేపు ౩ సంవత్సరాల తర్వాత కలిసాం అన్న ఫీల్ ఏ లేకుండా పోయింది..ఆ పాత IIT రోజులు గుర్తొచ్చాయి ..బోర్ అనేది తెలియకుండా ,ఎంత హ్యాపీ గా గడిపే వాళ్ళమో.ఈ ఉద్యోగ జీవితం లోకి వచ్చాక అంతా corporate లైఫ్ వల్ల లైఫ్ లెస్ అయి ఆనందం మాత్రం కార్పెట్ కిందకి జారిపోయింది అనుకుంటూ ..

వాడు వచ్చినందుకు మనసులో చాలా సంతోషపడిపోతూ,చెవిలో లింకిన్ పార్క్ పాటలు వింటూ,సెల్ లో angrybirds ఆడుకుంటూ,laptop లో మా నోలన్ వీడియోలు చూస్తూ నిద్రలోకి జారుకున్నా.(అసలే 3 రోజులు నిద్ర లేదాయే మరి) ..ఆ తర్వాత ఏం జరిగిందో తెల్సుకోవాలంటే నా కామెంట్ బాక్స్ లో కామెంట్ పెట్టి ఆ అదృష్టాన్ని పొందగలరు :P

స్మార్ట్ జీవి సంతోష్ కి ఈ పోస్ట్ అంకితం  :)