బూస్ట్ బాల్యం

లంచ్ అవర్ లో బాల్యానికి బూస్ట్ ఎంతవరకు మేలుచేస్తుంది అనే టాపిక్ ని ఎత్తిన మహానుభావుని దయవల్ల మా చిన్నతనంలోనికి అందరం వెళ్ళిపోయాం
బాల్యమంతా బూస్ట్ కి దాసోహం అని flashback ని ఇలా నెమరు వేసుకున్నాం...


వరుణ్:సచిన్ వచ్చాక బూస్ట్ రేట్లు చాలా రెట్లు పెరిగిపోయింది
రేష్మా:నువ్వు ఆఫీస్ కి వచ్చాక మాకు ఇచ్చే టీ క్వాలిటీ కూడా బాగా పడిపోయింది
వరుణ్:ఎక్కువ టీ తాగితే వర్క్ productivity పెరుగుతుంది అది అర్ధం చేసుకోకుండా నన్ను అంటున్నారు అసలు టీ క్వాలిటీ ఎలా ఉన్నా బూస్ట్ వేసుకుంటే ఆ టేస్టే వేరు.  

ప్రసూన్:చిన్నప్పుడు మేము ఒక కిలో బూస్టు తెచ్చుకొని ఇరవై రోజుల్లో ఫినిష్ చేసే వాళ్ళం తెలుసా
వరుణ్:మాకు అయితే మినిమం నెలరోజులు వచ్చేది అది కూడా అర్ధకిలో ప్యాక్ ,మా ఇంట్లో రోజుకి  రెండు పూటలు మాత్రమే తాగనిచ్చేవారు
ప్రసూన్: అవునా
వరుణ్: అయినా మాకు అర్ధకిలో సరిపోయేది మీ ఇంట్లో నువ్వు ఒక్కడివే కదా అయినా ఎన్ని పూటలు తాగేవాడివి నువ్వు రోజుకి
ప్రసూన్:నేను బూస్ట్ తాగను తింటాను,కావ్యా నీ సంగతేంటి నీకు బూస్ట్ అంటే ఇష్టమేనా 

కావ్య: మా ఊరిలో అప్పటికి బూస్ట్ ఇంకా రాలేదు ప్రసూన్ , నేను ఏడో తరగతి లో ఉన్నప్పుడు మా ఊరికి హెల్త్ డ్రింక్ లు అమ్మే షాప్ పెట్టారు
వరుణ్: కొనేవాళ్ళు ఉంటేనే కదా ఏదైనా అమ్మడానికి ఎప్పుడూ పార్టీ ఇవ్వు పార్టీ ఇవ్వు అని మా ప్రాణాలు తోడేస్తావ్, సరే కాని మరేం తాగేవారు మరి ఏడో తరగతి వరకు
కావ్య: ఆవుపాలు ఇంకా మా పొలం లో పండే పండ్లను ఇంట్లో juice చేసుకొని తాగేవాళ్ళం.

ప్రసూన్:షాప్ వచ్చిన తర్వాత మీరు compensate చేసారా, అయినా మీరు ఇంత కాంతివంతమైన చర్మం ఎలా వచ్చింది
వరుణ్:చిన్నప్పటినుంచి బూస్ట్ తాగే వారు, అందుకే ఇలా
కావ్య:వరుణ్ స్టాప్ ఇట్, చిన్నప్పటి నుండి కాదు అని చెప్పానా ఏడో తరగతి నుండే నేను తెల్లగా అవ్వడం మొదలుపెట్టాను
ప్రసూన్:బ్యూటీ పార్లర్ కూడా అప్పుడే వచ్చిందా అయితే మీ ఊరికి
కావ్య: (సిగ్గుతో కూడిన ఒక నవ్వు నవ్వి) #%#&&##&


మనీష్ :ఒక కిలో బూస్ట్ లో ఎన్ని ప్రోటీనులు,కార్బో హైడ్రేట్  లు ఉంటాయి ??
అచానక్:ఒక కిలో బూస్ట్ లో 26 గ్రాముల  ప్రొటిన్లు, అర కిలో కార్బోహైడ్రేడ్లు వుంటాయి
కావ్య: ఎహే! వెళ్లి ఎవరైనా కే ఏ పాల్ కనిపిస్తే వాళ్లకి చెప్పు నీ statistics.
అచానక్: లేకపోతే
కావ్య:తెలుగు బ్లాగర్లకు చెప్పు
అచానక్:@#$^&^$^$#@##, మరి నువ్వు రేష్మా నువ్వు కూడా బూస్ట్ తింటావా
రేష్మా:నేను తినను, తాగను, పారబోస్తాను. ఎన్ని కిలోలకి  కేలరీలుంటే ఎవడికి కావాలి

అచానక్:బూస్ట్ కి రెండు చెంచాల పంచదార  కంటే ఎక్కువ కలుపకుండా తింటే ఆరోగ్యానికి ఆరోగ్యం
ప్రసూన్:బూస్ట్ లో ఎక్కువ పంచదార వేసుకొని తింటే  మలబద్ధకం వస్తుందని ఈనాడు వసుంధర లో చదివాను
అచానక్:వేడి చేస్తే వెయిట్ తగ్గుతుందని 1023 లో బూస్టిన రాసిన అతీ గతీ లేని భవభొగ వాదం పుస్తకంలో నేను కూడా చదివాను

కావ్య: మీరు ఎంతైనా చెప్పండి బూస్ట్ తింటే తెల్లగా అవ్వరు
ప్రసూన్:అప్పట్లో కావ్య గారి ఊర్లో  బూస్ట్ దొరకపోవటం వలన  తన బంధువర్గ బలంతో విదేశాలనుంచి తెప్పించుకొని తాగే వారు, అందుకే తను ఒక్కత్తే తెల్లగా, తన సఖులందరు, సఖతో సహా అంత తెల్లగా లేరు
కావ్య:నేను చిన్నప్పటి నుండి హార్లిక్సు తాగేదాన్ని. కొంచం పెద్దయ్యాకే బూస్ట్ తాగడం మొదలెట్టా....అన్ని తప్పుడు సమాచారాలిస్తున్నావు నువ్వు. ఇదేనా నీ గూఢచారిత్వం?

అచానక్ :స్కూల్ కి మీరు హార్లిక్స్ డబ్బాలు తెచ్చుకొని తినేవాళ్ళా అందరూ సరే ఇంకేం హెల్త్ డ్రింక్ లు మీ
ఇంట్లో వాడేవారు
కావ్య: కాంప్లాను అంటే నాకు కంపరం,ఓ సారి నాకు జ్వరం వచ్చినప్పుడు మా మావయ్య మా ఇంటికి తెస్తే ఆయన ముందే ఆ సీసా ని పగలకోట్టేసాం
అచానక్:ఏంటి ఖాళీ సీసానా?, రేష్మా మరి మీ ఇంట్లో
రేష్మా: కాంప్లాను బూర్జువా వ్యవస్థకి చెందిన డ్రింకు. అది మేము తాగం

ప్రసూన్:కావ్యా! మరి ఏమయ్యింది ఆ తర్వాత ఆ కాంప్లాన్ ని ఎలా వదిలించుకున్నారు 
కావ్య:వెంటనే మళ్ళీ షాప్ కి వెళ్లి మరో బూస్ట్ తెచ్చేవరకు మా మంకుపట్టుని విరమించుకున్నాం
ప్రసూన్:అచానక్ మీరు  చిన్నపడి నుండి బూస్ట్ తాగేవారా

అచానక్:మా ఇంట్లో మొదట  ఒక ఆరు నెలలు ఆవు కుడిత ని energy డ్రింక్ గా వాడేవాళ్ళం, ఆ తర్వాత viva వచ్చి ఆ లోటుని భర్తీ చేసింది
ప్రసూన్:బూస్ట్ తాగితే ఏమొస్తుంది

బూస్ట్ ఈజ్ ది సీక్రెట్ ఆఫ్ మై ఎనర్జీ  :)
కాదు అవర్ ఎనర్జీ అని ఎవడో ఒకడు అనండెహే!